Knăm mơak mĭn tĭng mphŭn pŏk mlam 29-8, mâo akŏ “Klei čang hmăng êa ksĭ mtah - dap kngư guh mngač” ti ƀuôn prŏng êa ksĭ Quy Nhơn. Mbĭt hŏng anăn jing lu bruă ngă êdah êdi msĕ si: Knăm mơak hlăm êlan klông “êa mil êa ksĭ”; Knăm mơak dhar kreh kphê, čing čhar Lăn Dap Kngư; knăm mơak mnơ̆ng ƀơ̆ng huă “Mnơ̆ng jăk mơ̆ng lăn bazan leh anăn êa ksĭ”; rang mdah mnơ̆ng dhơ̆ng OCOP leh anăn ƀuôn bruă djuê ana; dŭm hdră rang mdah klei mjuăt asei mlei Bình Định srăng bi mguôp mbĭt hŏng klei mdah čing čhar Lăn Dap Kngư, klei mmuñ tuồng leh anăn bài chòi.

Knăm mơak srăng bi ruĕ hŏng klei mdah pui mtrang mngač jăk siam ti Wăl tač Nguyễn Tất Thành. Anei jing sa hdră yuôm bhăn kñăm bi mkŏ ênoh yuôm dhar kreh djuê ana, mjing klei jăk siam hjăn kơ Gia Lai hlăm êdei anăp./.