Hruê knăm mâo lu bruă tŭ dưn msĕ si: Klei kdŏ mmuñ bi mni kơ klei bi mguôp, klei mjĕ giăm bi hgŭm, bi mguôp siă suôr mơ̆ng 3 ala čar, răng mdah kdrăp čŭt hơô 12 djuê ana dôk hdĭp mda, hriăm hră mơar leh anăn mă bruă ti alŭ wăl knông lăn, mkŏ wĭt đa đa klei bhiăn êdah êdi mơ̆ng Knăm knhuah gru Bunpimay leh anăn Chol Chnam Thmay.

Mbĭt hŏng bruă hưn mdan knhuah jăk siam tết knhuah gru mơ̆ng 3 ala čar, hlăm hruê knăm mjĕ êrô dhar kreh Việt Nam- Lào- Campuchia hŏng akŏ “Êa mil dhar kreh dŭm ala čar krĭng Ksĭ Ngŏ”, phung hđeh sang hră gưl prŏng leh anăn phung tuê lŏ dưi lông ƀơ̆ng lu mta mnơ̆ng ƀơ̆ng jăk yâo, hrăm mbĭt ksiêm hriăm kơ dhar kreh grăp ala čar, mơ̆ng anăn ksul mbŭ klei bi mguôp, klei mjĕ giăm kjăp plah wah 3 ala čar.