Akŏ klei ksiêm hriăm kƀĭn hlăm bruă ksiêm dlăng hdră msir čiăng kriê pioh klei khan Lăn Dap Kngư, klei khan djuê ana Êđê, Jarai hlăm hdră mđung asăp blŭ mnuih djuê ƀiă Lăn Dap Kngư. Hlăm anăn, kƀĭn hlăm dŭm hdră msir msĕ si: mkŏ mjing dŭm hdră mđung kñăm hưn mthâo, kơrŭ wĭt klei khan hing ang, hâo hưn, mpŭ kơ phung thâo mbruă mâo lu klei đru mguôp hlăm bruă djă pioh leh anăn mtô bi hriăm klei khan Lăn Dap Kngư; iêô jak leh anăn kriê dlăng tŭ dưn klei găl ala ƀuôn čiăng răng mgang leh anăn mđĭ lar ênoh yuôm dhar kreh amâo êdah klă, hlăm anăn mâo klei khan Lăn Dap Kngư.

Êpul hgŭm tŭ yap ksiêm dlăng kơ dŭm boh phŭn klei ksiêm hriăm, mguôp mkra mlih akŏ, boh phŭn leh anăn mblang, bi mklă thiăm dŭm boh phŭn brei mbŏ hlăm klei ksiêm hriăm. Tạ Đức Toàn, Khua Anôk bruă djuê ana, Sang mđung asăp blŭ Việt Nam lač: Kdrêč hdră msir jăk snăk, mâo dŭm boh tŭ, hdră msir sĭt leh anăn dưi ba yua hlăm boh sĭt mơ̆ng Sang mđung asăp blŭ Viêt Nam.