Anei jing hdră bi mgăl bruă kđi čar hnơ̆ng ala čar, mâo hnơ̆ng prŏng hĭn mơ̆ng êlâo truh kơ ară anei, mâo lu phung kdŏ mmuñ êdah êdi leh anăn mâo klei uêñ mĭn mơ̆ng lu ƀĭng mđing hmư̆ hlăm lăn čar.

Pô thâo bruă êdah êdi Doãn Trường Nguyên, khua êpul kdŏ mmuñ, Sang mđung asăp blŭ Việt Nam (VOV3), klam bruă mta phŭn klei kdŏ mmuñ mơ̆ng hdră anei brei thâo, anei jing hdră mơĭt kơ ƀĭng dôk hmư̆ klei hâo hưn klei khăp kơ êa ksĭ, plao ksĭ, klei myưng mơang djuê ana, klei mĭn gĭr ktưn răng mgang klei dưi kiă kriê êa ksĭ, plao ksĭ ala čar leh anăn klei hmăng hmưi thâo klă kơ êa ksĭ, mdrŏng mơ̆ng êa ksĭ srăng dưn hưn mdah hŏng klei kdŏ mmuñ, rup leh anăn dŭm klei yăl dliê grăp hruê.