Hruê kăm dhar kreh - hiu čhưn ênguê Gia Lai thŭn 2023 srăng mkŏ mjing mơ̆ng hruê 11 truh hruê 19/11 ti ƀuôn prŏng Pleiku, kdriêk Čư̆ Pah leh anăn kdriêk Ia Grai, čar Gia Lai mâo: Knăm mphŭn pŏk hruê kăm dhar kreh - hiu čhưn ênguê Gia Lai thŭn 2023; Klei bi lông mdah čing čhar čar Gia Lai thŭn 2023 hŏng klei nap hgŭm mơ̆ng giăm 1000 čô thâo mbruă mơ̆ng 5 čar krĭng Lăn Dap Kngư.

Knăm mơak mnia blei leh anăn hưn mthâo mnơ̆ng dhơ̆ng lŏ hma mdê hjăn čar Gia Lai; hruê kăm mnga tăng phĭ kñĭ - čư̆ Dăng Ya thŭn 2023; Klei bi lông êran “Gia Lai city trail 2023 - klei jăk siam dap kngư”; Klei bi lông waih mran êa krông Pô Kô mă đĭng jô A Sanh leh anăn klei bi lông dhar kreh čing čhar kdriêk Ia Grai; Rang mdah kdrăp djuê ana, bi lông kdŏ mmuiñ… Hruê kăm Dhar kreh - hiu čhưn ênguê Gia Lai thŭn 2023 dưi mkŏ mjing kñăm hưn mthâo, hưn mdah klei dhar kreh jăk siam ti čar Gia Lai, boh nik wăl čing čhar Lăm Dap Kngư.