Nghệ sĩ Linh Nga Niê Kdăm anăn amĭ kkiêng H’Linh Niê Kdăm, djuê ana Êđê, kkiêng thŭn 1948 ti Việt Bắc. Leh 25 thŭn hriăm hră ti kwar Dưr, ñu wĭt ti Dak Lak, mă bruă ti Êpul kdŏ mmuñ mnuih djuê ƀiă čar hŏng bruă klam jing pô mmuñ, mdah klei kdŏ mmuñ ti krĭng taih kbưi.

Hlăm klei čih mčeh, ñu mâo lu klei čih kơ krĭng Lăn dap kngư – Dak Lak, mâo lu mnuih khăp čiăng. Leh kơnăn, ñu ngă Khua Sang hră gưl krah bruă dhar kreh – kdŏ mmuñ Dak Lak, ñu mtam mtô bi hriăm thanh nhạc ti sang hră. Lu ênuk gưl hđeh hriăm hră ñu mtô mâo mă klei pah mni, ba wĭt klei tŭ dưn, hlăm anăn mâo Ayang Y- Moan Êñuôl lehanăn nhạc sĩ Y Phôn Ksơr.

Ti knăm anei, mnuih nao dlăng dưi hmư̆ dŭm klei mmuñ jiă klei hdĭp, bruă mă mơ̆ng nghệ sĩ Linh Nga Niê Kdăm lehanăn hmư̆ hdră bi mjĕ mjuk mơ̆ng 3 čô nhạc sĩ: Linh Nga, Nguyễn Cường lehanăn Y Phôn Ksơr, ksiêm mĭn kơ dŭm klei đru mguôp hŏng jih ai tiê mơ̆ng diñu kơ krĭng lăn lehanăn klei mmuñ kơ krĭng Lăn dap kngư./.