Ksiêm dlăng klei bi kƀĭn tal 7, Anôk bruă kƀĭn ala gưl XV, lu mnuih ƀuôn sang ti Gia Lai, boh nik ti krĭng mnuih djuê ƀiă mđing êdi kơ hdră êmuh lehanăn wĭt lač klei êmuh mơ̆ng Khua Phŭn bruă Dhar kreh, Mjuăt ktang asei mlei lehanăn hiu čhưn ênguê Nguyễn Văn Hùng. Mnuih ƀuôn sang čang hmăng anôk bruă dhar kreh srăng mjing djăp klei găl, klei bhiăn čiăng mđĭ lar dhar kreh djuê ana, mđĭ kyar bruă hiu čhưn ênguê mkra mđĭ klei hdĭp mnuih ƀuôn sang.

 H’ Uyên ti kdriêk Čư̆ Pah, čar Gia Lai brei thâo:Leh klei bi kƀĭn kâo čang hmăng Anôk bruă kƀĭn ala mđing hĭn kơ bruă kriê pioh knhuah dhar kreh djuê ana ti čar Gia Lai, krĭng mnuih djuê ƀiă. Kriê pioh knhuah dhar kreh jăk siam mơ̆ng dŭm boh sang Roong brei hluê ngă djŏ klei bhiăn, dŭm ƀuôn bruă djuê ana mơ̆ng đưm, anôk bruă hrĭ mñam, lŏ mkŏ wĭt dŭm knăm mơak mơ̆ng djuê ana tinei čiăng êdei anei phung hđeh gưl mrâo dưi thâo săng lehanăn krơ̆ng kjăp knhuah dhar kreh hlăm êdei anăp.