Hlăm 2 hruê êgao, giăm 600 čô knuă druh, phung kdŏ mmuñ mơ̆ng 15 anôk bruă čar Dak Lak nao hlăm klei rang mdah, hŏng 82 klei rang mdah msĕ si mmuñ, kdŏ, pĕ tông, klei hlăp mgưt. Hluê si klei bi klă mơ̆ng êpul mkŏ mjing, klei kdŏ mmuñ anei mâo klei nao hgŭm mơ̆ng lu êpul êya, ênuk thŭn mdê mdê, mơ̆ng phung hđeh 13 thŭn truh kơ phung mduôn 84 thŭn.

Klei anei brei ƀuh, klei kdŏ mmuñ ƀuôn sang dôk đĭ kyar kluôm  leh anăn mâo ai lar bra ktang hŏng mnuih ƀuôn sang ti alŭ wăl čar. Dŭm êpul nao klă hŏng akŏ klei kdŏ mmuñ jing “Dak Lak ênai kwang hruê mrâo”, mâo klei mprăp leh anăn duh bi liê jăk kơ mta phŭn, hnơ̆ng tŭ jăk klei rang mdah leh anăn wăt klei kdŏ mmuñ, mâo lu êa mĭl mơ̆ng ênuk đưm truh kơ ênuk anei. Knhuah dhar kreh dŭm djuê anăn mdê hjăn mơ̆ng grăp alŭ wăl dưi mă yua leh anăn rang mdah.