K’iăng Khua knŭk kna Lê Thành Long hŏng lu phung khua gĭt gai dŭm Phŭn, dhar bruă leh anăn ƀuôn prŏng Hải Phòng nao hlăm knăm mphŭn pŏk. Blŭ hrăm hlăm knăm mphŭn pŏk, Khua phŭn bruă sang hră mtô bi hriăm Nguyễn Kim Sơn brei thâo, găn êbeh 40 thŭn mkŏ mjing leh anăn đĭ kyar, Klei bi lông mjuăt asei mlei Phù Đổng kluôm ala tal X jing Klei bi lông mjuăt asei mlei phung hđeh sang hră prŏng hĭn mơ̆ng êlâo kơ ară anei, hlăk mâo êbeh 20 êbâo čô mjuăt asei mlei mơ̆ng 63 čar, ƀuôn prŏng hgŭm.

Anei jing klei yuôm bhăn, jing anôk bi kƀĭn leh anăn mâo lu hĭn hdră mjuăt asei mlei, mđĭ klei suaih pral phung hđeh sang hră; mbĭt anăn ăt jing klei găl bi lông kơ phung hđeh sang hră mâo klei thâo hlăm klei mjuăt asei mlei kluôm ala.