Bruă rŭ mkra sang krum Êđê hlăm wăl sang kriê pioh knhuah gru ngă drăp čar Daklak, hŏng ênoh duh bi liê truh 6 êklai 700 êklăk prăk. Hŏng ênhă truh 460 m2, mâo mdơ̆ng hŏng kmeh kyâo mnơ̆ng mơ̆ng dliê.

Bruă anei kñăm kriê pioh lehanăn bi mlar knhuah gru dhar kreh klei hdĭp anak Êđê. Bi sang knhuah gru mơ̆ng bruă Đảng čar, ăt mâo mdơ̆ng hŏng kyâo, hlue knhuah sang krum krĭng Yŭ Dưr, hŏng ênhă 185m2, hŏng ênoh bi liê truh 10 êklai prăk. Anei jing anôk rang mdah, kriê pioh djăp mta bruă mơ̆ng hƀuê ênuk, bruă kđi čar, rup pioh hưn mdah kơ dŭm anôk hrah kơ bruă mjuăt bi hriăm kơ knhuah gru cách mạng./.