Hŏng akŏ “Bi klin lu mta êa mil”, hrue knăm dhar kreh djăp djuê ana čar Daklak thŭn anei mâo mkŏ mjing mơ̆ng hrue 18-20/11. Gưl tal êlâo mâo mkŏ mjing prŏng prŏng ti gưl čar hŏng 10 mta bruă phŭn lehanăn 2 mta bruă hlue anăn, knăm mơak mâo iêo jak leh truh êbeh 800 čô mnuih mbruă hriê mơ̆ng 15 kdriêk, wăl krah, ƀuôn prŏng ti čar Daklak.

Hlăm anăn, hdră pŏk mâo lu gru grua jăk siam, mâo klei bi mklin djăp mta kdrăp pĕ tông đưm lehanăn ênuk mrâo, bi êdah klei thâo bi mguôp djăp djuê ana. Ti knăm bi ruĕ, êpul mkŏ mjing mâo mđup brei leh hră tŭ yap kơ dŭm êpul êya mâo klei tŭ kdlưn hĭn hlăm klei mdah dŭm knhuah gru dhar kreh. Mđup brei klei pah mni kơ 20 êpul kdlưn hĭn hlăm bruă mkŏ mjing, nao ti knăm mơak dhar kreh djăp djuê ana čar Daklak thŭn 2023.