Mtrŭt mjhar hdră bi lông mkra video clip hiu čhưn ênguê Kon Tum thŭn 2023
Thứ năm, 09:44, 31/08/2023
VOV Tây Nguyên
VOV Tây Nguyên
VOV4.Êđê- Hŏng anăn “Amazing Kon Tum - Kon Tum jăk siam”, tlam mbruê 30/8, ti ƀuôn prŏng Kon Tum, Knơ̆ng bruă Dhar kreh, Mjuăt ktang asei mlei lehanăn Hiu čhưn ênguê čar Kon Tum mtrŭt mjhar leh klei bi lông mkra video clip hiu čhưn ênguê Kon Tum thŭn 2023.
Hluê si Anôk bruă mkŏ mjing klei bi lông, hdră anei amâo kčah hnơ̆ng thŭn nao bi lông, jing mnuih Việt Nam lehanăn mnuih ala tač êngao dôk hdĭp, mă bruă ti Việt Nam.
Hluê hdră kčah, grăp čô, êpul êya dưi m’ĭt lu kdrêč video bi lông mâo mơ̆ng 4 – 6 mnĭt, wưng tŭ mă klei bi lông truh kơ jih hruê 25/10/2023. Klei bi lông mkra video clip hiu čhưn ênguê Kon Tum thŭn 2023 hŏng anăn “Kon Tum jăk siam” čang hmăng dưi lar bra klei jăk siam hdră hiu čhưn ênguê ti Kon Tum./.
Viết bình luận