Hŏng akŏ jing: “Hdruôm hră, klei thâo săng klei mlih mrâo lehanăn klei mbruă”, hrue dlăng hră thŭn anei hlăm čar Daklak mkŏ mjing mơ̆ng hrue 15/4 - 1/5 hŏng lu bruă ngă msĕ si: Rang mdah hdruôm hră tui si akŏ, mâo klei bi trông, hưn mdah kơ hră, bi mguôp hdruôm hră mơar, lehanăn mprăp hră mơar đru kơ hđeh ƀun ƀin, mđup brei hdruôm hră kơ dŭm boh sang hră, sang dlăng hră ti dŭm krĭng taih kbưi, mkŏ mjing klei dlăng hră amâo mâo mă prăk ôh ti dŭm alŭ wăl...

Mơ̆ng anăn hưn mthâo kơ krĭng lăn, anak mnuih Daklak, kơ klei găl, klei dưi mđĭ kyar bruă hiu čhưn ênguê dhar kreh Lăn Dap Kngư, mpŭ mni kơ dhar kreh dlăng hră. Lehanăn mâo dŭm bruă sng mdah rup, hră mnơ̆ng STEM, rup hđeh čih kač, bi lông cuà vua, lông mkra mnơ̆ng hŏng kiê kngan./.