Nao bi lông mâo giăm 500 čô phung thâo tông čing hriê mơ̆ng 15 boh kdriêk, wăl krah, ƀuôn prŏng hlăm čar. Hlăm 3 anôk mdah, dŭm êpul êya srăng mdah dŭm klei tông msĕ si: Tông hjăn, tông mdua, tông êpul, bi mdêč, lehanăn mdah dŭm mta kdrăp pĕ tông djuê ana, mâo wăt klei kưt ei rei, kdŏ muiñ, lŏ bi hmô dŭm knăm djuê ana pô mơ̆ng djuê ana Mnông, Êđê, lehanăn jrai.

Anei jing phung thâo mbruă hlăm ƀuôn sang mâo mmông găl bi tuôm bi hriăm êmuh, hdră tông čing čhar, lehanăn hưn mthâo kơ knhuah gru amâo mâo êdah klă mơ̆ng čing čhar ti Lăn Dap Kngư. Lehanăn mđĭ hĭn klei thâo săng kơ knhuah gru dhar kreh djuê ana bi kriê pioh hĕ./.