Hŏng kdrăp mă rup mrâo ară anei, srăng mjing klei găl bi êdah klei jăk siam bi hdơr kơ êpul kahan nao mŭt sua mă klei êngiê kơ ƀuôn prŏng Hà Nội bi êdah klei jăk siam mơ̆ng kdrăp mkra rup ênuk mrâo. Mơ̆ng klei anei, lŏ bi hdơr kơ 10 gru knăl yuôm bhăn hlăm hƀuê ênuk klei sua mă klei êngiê kơ ƀuôn prŏng mlan 10/1954.

Ăt ti anei mơh, dŭm knhuah gru yuôm bhăn kơ hƀuê ênuk, dŭm anôk dhar kreh hing ang hlăm ƀuôn prŏng msĕ si: Hồ Gươm, Văn Miếu, chùa Một Cột, Gơ̆ng hla čhiăm gru Hà Nội, kban Long Biên, Sang muiñ prŏng, 5 mbah phŭn ƀuôn prŏng Hà Nội mâo lŏ bi hmô ngă hŏng rup, lehanăn fim. Jing mta kñăm kơ klei kñăm hâo hưn pioh bi hdơr 70 thŭn hrue mâo sua mă ƀuôn prŏng phŭn, anăn jing hdruôm hră čih lač kơ Hà Nội mâo leh hră klei mrâo čih hŏng anăn jing Gơ̆ng hla čhiam gru Hà Nội.