Mkŏ mjing mơ̆ng ară anei truh kơ jih hruê 24/11, mkŏ mjing leh hdră rang mdah 86 mta mnơ̆ng mỹ thuật mơ̆ng phung mkra hlăm lehanăn êngao čar Dak Lak. Dŭm mta mnơ̆ng anei dưi mkra hŏng lu kdrăp mdê mdê msĕ si hŏng kyâo, čŭr kô̆, rup čih kač, kđăm mica, sơn dầu, sơn mài, bi êdah klă klei hdĭp ala ƀuôn, klei jăk siam lăn adiê lehanăn anak mnuih, klei khăp hŏng ƀuôn sang, lăn čar, klei bhiăn, knhuah dhar kreh dŭm djuê ana hdĭp ti krĭng lăn dap kngư.

Knăm anei dưi mkŏ mjing dưi mđĭ lar hluê hdră rang mdah Yan hla luh lăn dap kngư mơ̆ng Êpul hgŭm bruă Mỹ thuật, Anôk bruă dhar kreh čar Dak Lak êlâo. Anei jing hdră dhar kreh yuôm bhăn, đru mguôp hlăm bruă mtô mblang, hưn mthâo pŏk rup ƀuôn sang, anak mnuih Dak Lak “Kreh dhar – jĕ giăm – thâo khăp kơ tuê” truh kơ phung tue hiu čhưn hlăm lehanăn êngao čar./.