Hlue si Knơ̆ng bruă dhar kreh, mjuăt ktang asei mlei leh anăn hiu čhưn ênguê Dak Lak, hlăm gưl mdei Knăm mơak mkŏ mjing ala čar thŭn anei, dŭm anôk hiu čhưn dlăng ti čar drông hlăm brô 130 êbâo gưl tue, hlăm anăn mâo hlăm brô 2.500 gưl tue ala tač êngao. Ênoh tue dôk jưh mâo 75 êbâo gưl, hnơ̆ng yua adŭ jưh kah knar 70%. Ênoh hrui wĭt mơ̆ng hiu čhưn ênguê gưl mdei hlăm brô 85 êklai prăk. Wăt ênoh tue, phung dôk jưh leh anăn tue ala tač êngao ti čar thŭn anei đdĭ lu hĭn 2-3 blư̆ mkă hŏng wưng anei thŭn 2023.

Nguyễn Thụy Phương Hiếu, K’iăng Khua knơ̆ng bruă Dhar kreh, mjuăt ktang asei mlei leh anăn Hiu čhưn ênguê Dak Lak brei thâo, hlăm gưl knăm mkŏ mjing ala čar thŭn anei ti čar mâo lu bruă dhar kreh, hiu čhưn ênguê. Mơ̆ng anăn, Dak Lak mphŭn dưi mkŏ mjing leh rup hiu čhưn ênguê jĕ giăm hŏng tue, iêô jak tue hiu čhưn.