Hlăm 6 mmông mkrah tlam hlue si mmông alŭ wăl, knăm mphŭn pŏk klei bi lông mă klei pah mni êdah êdi čưng boh mniê dlông rŏng lăn (FIFA World Cup Mniê 2023) mkŏ mjing ti tač mjuăt asei mlei Eden Park ti ƀuôn prŏng Auckland, New Zealand. Mta kñăm mơ̆ng knăm mphŭn pŏk jing klei mmuiñ mơ̆ng pô čih mkra Australia  leh anăn pô mmuiñ New Zealand  hŏng klei mmuiñ “Do It Again” - klei mmuiñ klă sĭt mơ̆ng World Cup mniê 2023. Leh knăm mphŭn pŏk hlăm brô 30 mnĭt, mkŏ mjing klei bi lông tal êlâo plah wah êpul čưng boh mniê New Zealand hŏng êpul čưng boh mniê Nauy.

Amâo djŏ knŏng hjăn New Zealand, Australia ăt jing ala čar hgŭm mkŏ mjing mơ̆ng yan bi lông thŭn anei. FIFA World Cup Mniê 2023 srăng mâo 64 gưl bi lông, mkŏ mjing ti 9 ƀuôn prŏng ti New Zealand leh anăn Australia. Thŭn anei ăt jing gưl tal êlâo klei bi lông mâo ênoh êpul hgŭm lu hĭn jing 32 êpul hŏng 8 êpul bi lông čưng boh mniê tal êlâo dưi nao hlăm klei bi lông hlăm anăn mâo Haiti, Morocco, Panama, Philippines, Portugal, Ireland, Zambia leh anăn Việt Nam.