VOV4.Êđê- Hŏng mnuih ƀuôn sang dŭm djuê ana ti Lăn dap kngư, êman jing sa čô hgŭm hlăm gŏ sang lehanăn ƀuôn sang. Mnuih Lăn dap kngư lač, êman jing sa mta mnơ̆ng bi êdah ai ktang lehanăn klei djăp ênŭm, mdrŏng sah. Ti anăp ênoh êman ƀrư̆ hruê ƀrư̆ hrŏ, Anôk bruă sang čư̆ êa čar Dak Lak bi mklă leh hdră đru kơ bruă hluê ngă bi mlih gru hmô đĭ êman jing gru hmô hiu čhưn jăk hŏng êman.

VOV4.Êđê- Aguah 14/9, Êpul hgŭm mjĕ mjuk Việt Nam – Japon čar Dak Lak mkŏ mjing leh Hdră bi mjĕ mjuk dhar kreh Việt Nam – Japon ti čar Dak Lak hlăm thŭn 2023.

VOV4.Êđê- Tŭ ư asăp jak iêu mơ̆ng Sang hră gưl prŏng Jeonju Kijeon – Dhŭng Korea, hruê anei, 13/9, Knơ̆ng bruă Dhar kreh mjuăt ktang asei mlei lehanăn Hiu čhưn ênguê Gia Lai mkŏ mjing leh Knăm atăt êpul 14 čô mbruă mơ̆ng ƀuôn prŏng Pleiku lehanăn kdriêk Ia Grai nao ti Dhŭng Korea hgŭm hlăm Knăm m’ak Sori quốc tế Jeonju 2023.

VOV4.Êđê- Tlam mbruê 10/9, Phŭn bruă Dhar kreh, mjuăt asei mlei leh anăn hiu čhưn ênguê bi mguôp hŏng bruă sang čư êa čar Bình Định mkŏ mjing kñăm mjưh ruê̆ hruê knăm dhar kreh dŭm djuê ana Krĭng kwar Krah

VOV4.Êđê - Y-Djuan Mjâo (khăng iêo Aê Lot) 65 thŭn, ti ƀuôn M’Ngoan, să Ea Hồ, kdriêk Krông Năng, čar Dak Lak jing sa čô thâo mbruă. Amâo djŏ knŏng tuč lu klei tông čing, mkra mjing leh anăn ayŭ lu kdrăp ayŭ msĕ si Taktar, đing năm, đinh buôt, ñu lŏ thâo mñê eirei, mmuiñ kưt, thâo klei bhiăn djuê ana leh anăn amâo mdei gĭr ktưn bi hriăm djăp ênuk ti ƀuôn sang.

VOV4.Êđê - 78 thŭn mkŏ mjing Sang mđung asăp blŭ Việt Nam, VOV Lăn dap kngư ăt 30 thŭn mkŏ mjing lehanăn đĭ kyar, Hdră mđung asăp blŭ mnuih djuê ƀiă ăt mâo 30 thŭn hŏng lu klei bi hdơr. Mơ̆ng hdră nđung asăp blŭ klei Êđê gưl tal êlâo dưi mđung asăp hlăk thŭn 1993, truh ară anei, VOV Lăn dap kngư mkra, mđung leh klei blŭ 6 djuê ana mâo: Êđê, Jarai, Bahnar, Sedang, K’ho lehanăn M’nông. Ktuê êlan 30 thŭn anăn, mâo lu klei bi hdơr amâo dưi wơr bĭt ôh hŏng dŭm ênuk gưl mă bruă mđung asăp klei blŭ mnuih djuê ƀiă ti Lăn dap kngư.

VOV4.Êđê- Hlăm ênai kwang hlai mbĭt hŏng ênai čing čhar, ênai ki lehanăn ênai hgơr, ênhiang mmuñ Arya mâo mơ̆ng đưm – jing sa ênhiang mmuñ êdu ê’un lehanăn mâo boh tŭ yuôm êdi jiă knhuah êpul êya mơ̆ng mnuih ƀuôn sang djuê ana Churu hlăk êlâo, ară anei dưi krŭ wĭt ti krah krĭng čư̆ dliê Lăn dap kngư prŏng kdrưh. Amâo djŏ truh kơ ară anei ƀiădah mơ̆ng lu thŭn êlâo, ênhiang kdŏ anei mâo leh pô mbruă Touneh Ma Bio, ti thôn Diom A, să Lạc Xuân, kdriêk Đơn Dương, čar Lâm Đồng, kriê pioh.

VOV4.Êđê- Đĭng gông jing sa hlăm dŭm kdrăp tông ayŭ mơ̆ng dŭm djuê ana ti krĭng Lăn dap kngư. Brô̆ Goong dưi ba yua hlăm knăm bi mjĕ mjuk êpul êya, knăm m’ak lehanăn boh nik hlăm dŭm mmông mmuñ bi kmlah bi êdah asăp bi khăp êkei mniê. Khăp m’ai hŏng ênai brô̆ anei, pô mbruă Y-Djưng Êban ti să Čư̆ Suê, kdriêk Čư̆ Mgar, čar Dak Lak. Amâo djŏ knŏng thâo yua brô̆ anei ƀiădah lŏ jing pô thâo mkra brô̆ Goong čiăng lŏ čuê kơ čô anak pô.

VOV4.Êđê- Kkuh m’ak bi hdơr 78 thŭn Hruê krŭ kgŭ kdơ̆ng mlan 8 lehanăn Hruê hnŭk êngiê ala čar 2/9 thŭn anei, anôk bruă djŏ tuôm lehanăn bruă sang čư̆ êa alŭ wăl, dŭm anôk hiu čhưn ênguê dhar kreh, mnơ̆ng ƀơ̆ng huă djuê ana ti dŭm čar lăn dap kngư dôk mprăp drông tuê hiu čhưn truh ti alŭ wăl. Hdră hiu čhưn ênguê dhar kreh djuê ana mơ̆ng đưm anei amâo djŏ knŏng kriê pioh, mđĭ lar dhar kreh djuê ana jăk siam ƀiădah lŏ đru mđĭ hnư hrui wĭt grăp blư̆ drông tuê hiu čhưn mơ̆ng alŭ wăl:

VOV4.Êđê- Hlăm dŭm hruê anei, mbĭt hŏng mnuih ƀuôn sang ti djăp krĭng kwar ala čar dôk drông têt hnŭk êngiê, mnuih ƀuôn sang dŭm djuê ana djăp ƀuôn êlan lăn dap kngư lŏ hdơr kơ Awa. Khădah ka tuôm bi mtuôm, ƀiădah hlăm ai tiê grăp čô mnuih ti lăn dap kngư msĕ si ƀuh Awa dôk giăm nanao, dôk dlăng ktrâo lač nanao kơ hdră mă bruă, ƀuôn sang thâo hgŭm mguôp, răng mgang klei êđăp ênang, mjing ai ktang bi ktưn khăp kơ ala čar, mnuih ƀuôn sang mđĭ kyar bruă duh mkra, bi h’ĭt klei hdĭp.