VOV4.Êđê -  Tlam mmăt mbrue (8/11), ti sang bruă kƀĭn ala, Khua bruă kƀĭn ala Vương Đình Huệ nao hlăm knăm bi êdah hdră mtrŭn mơ̆ng Dhar bruă gĭt gai bruă kƀĭn ala kơ klei mkŏ mjing Êpul hgŭm phung ngă bruă kƀĭn ala hgŭm mbĭt Việt Nam, Êpul phung mniê ngă bruă kƀĭn ala, lehanăn êpul bi ala bruă kƀĭn ala mda asei. Hưn mdah êpul hgŭm phung ngă bruă kƀĭn ala Việt Nam mâo 45 êpul hgŭm phung ngă bruă kƀĭn ala plah wah Việt Nam hŏng bruă kƀĭn ala dŭm ala čar. Êpul mniê nga bruă kƀĭn ala Việt Nam mâo phung mniê jing pô bi ala bruă kƀĭn ala čŏng nao hlăm êpul hgŭm anei. Êpul bi ala bruă kƀĭn ala mda asei mâo phung bi ala bruă kƀĭn ala Việt Nam mơ̆ng 45 thŭn kgŭ. Khua êpul jing Khua tal sa hlăm Êpul hgŭm bruă êdam êra gưl dlông Cộng sản Hồ Chí Minh Nguyễn Anh Tuấn. Blŭ hrăm ti anôk bi êdah anăn, Khua bruă kƀĭn ala Vương Đình Huệ đăo knang, mơ̆ng jih jang bruă hŏng tač êngao mơ̆ng bruă kƀĭn ala lehanăn dŭm êpul hgŭm phung ngă bruă kƀĭn ala, êpul mniê ngă bruă kƀĭn ala, pô bi ala mda asei bruă kƀĭn ala, ngă bruă hŏng tač êngao mơ̆ng bruă kƀĭn ala ƀrư̆ hruê ƀrư̆ srăng mđĭ hĭn klei thâo, mâo bruă klam jăk mjing kdrông yuôm bhăn hlăm bruă hgŭm phung ngă bruă kƀĭn ala./.

Y Khem pô mblang