VOV4.Êđê - Aguah mbrue (14/10), k’iăng khua knŭk kna Vũ Đức Đam ngă leh bruă hŏng phŭn bruă dhar kreh, mjuăt asei mlei, hiu čhưn ênguê lehanăn Phŭn bruă êlan klông kơ hdră lŏ kơrŭ wĭt bruă hiu čhưn ênguê hlăm wưng kơ anăp. Dua nah bi trông nik ti anôk bi kƀĭn jing ngă ƀrư̆ ƀrư̆ klei lŏ pŏk bruă hiu čhưn ênguê hlăm ala čar, lông bi hmô bruă drông tue mơ̆ng ala tač êngao.

K’iăng khua knŭk kna mtă kơ dua phŭn bruă pral mâo klei ktrâo atăt mta čuăn kơ klei bi hgŭm dŭm tuôr hiu čhưn ênguê hŏng ai tiê jing pŏk bruă hiu čhưn ênguê hŏng klei kjăp, djŏ năng, ksiêm dlăng hŏng klei tŭ jing. Ti anôk bi kƀĭn, k’iăng khua knŭk kna Vũ Đức Đam mñă: Phŭn bruă dhar kreh mjuăt asei mlei, hiu čhưn ênguê, lehanăn phŭn bruă êlanklông dŭ mdiăng pral mâo hdră êlan ktrâo atăt, čoh čuăn kơ dŭm bruă hgŭm tuôr hiu čhưn ênguê. Boh nik, dŭm tuôr djŏ tuôm hŏng êlan êdeh treng, êlan êdeh phiơr./.

Y Khem pô mblang