VOV4.Êđê -  Nao hlăm klei bi kƀĭn tal 2, Bruă kƀĭn ala gưl 15 online, leh hmư̆ klei hưn mdah kơ klei tŭ hluê ngă hdră kčah mđĭ kyar bruă duh mkra- ala ƀuôn thŭn 2021; mĭn tĭng hdră kčah mđĭ kyar bruă duh mkra ala ƀuôn thŭn 2022. Hưn kơ hdră gang mkhư̆ klei ruă Covid-19 leh anăn klei hluê ngă Hdră mtrŭn mrô 30/2021/QH15 kơ klei bi kƀĭn tal sa, bruă kƀĭn ala gưl XV, Êpul bi ala bruă kƀĭn ala čar Dak Lak pioh leh mmông bi trông kơ dŭm boh phŭn anei. Phung bi ala ti Dak Lak bi êdah klei ư ai hŏng dŭm mta phŭn hưn mdah leh anăn klei mĭn tĭng mđĭ kyar bruă duh mkra ala ƀuôn lač leh hlăm klei bi kƀĭn, mbĭt anăn mâo thiăm klei blŭ lač kơ hnơ̆ng hmaĭ mơ̆ng klei ruă Covid-19 kơ mnuih ƀuôn sang, boh nik klei mđing dlăng hŏng phung hđeh mâo amĭ ama djiê hlăm klei ruă tưp, pŏk ngă prăk duh bi liê knŭk kna ară anei hlăm kluôm ala êmưt sơaĭ kyua mta phŭn jing klei bhiăn hdră êlan dôk mâo lu klei gun kpăk.

H Zawut pô mblang