VOV4.Êđê -  Hruê mbruê, jing hruê mă bruă tal 8, klei kƀĭn tal 2, bruă kƀĭn ala gưl 15, đrŭ kčĕ leh anăn đru brei boh blŭ bi trông kơ bruă tui ngă hdră êlan, hdră ênua bruă mdrao mgŭn yang ƀuôn, êpul bi ala bruă kƀĭn ala čar Kon Tum akâo lo bruă ênua bruă mdrao mgŭn kơ mnuih ƀuôn sang amâo mâo klei dưi tloh blei. Anei jing bruă năng êdi čiăng đru kơ mnuih ƀuôn sang, boh nik jing mnuih djuê ƀiă, amâo mâo klei găl nao hlăm dŭmm bruă kriê dlăng klei suaih pral, bi mdul ƀiă klei trŏ ngăn prăk.

Tui si klei ksiêm dlăng mơ̆ng êpul bi ala bruă kƀĭn ala čar Kon Tum brei ƀuh, hlăm phung amâo lŏ mâo ôh klei đru mơ̆ng knŭk kna kơ ênua bruă mdrtao mgŭn, mâo lu mnuih mâo klei hdĭp dleh dlan, amâo mâo klei găl dưi tloh blei ênua bruă mdrao mgŭn kơ grăp čô leh anăn gŏ sang. Boh nik, dŭm čô anei jing mnuih djuê ƀiă. Hlăm ênoh êbeh 51 êbâo 800 mnuih ƀuôn sang ti čar Kon Tum amâo lŏ mâo ôh klei đru mơ̆ng knŭk kna hlăm ênua bruă mdrao mgŭn, mâo ebeh 49 êbâo 300 cô jing mnuih djuê ƀiă, mâo hnơ̆ng 95%.

Y Ƀel pô mblang