VOV4.Êđê - Lŏ dơ̆ng hdră klei bi kƀĭn tal 2, Bruă kƀĭn ala gưl 15, aguah 26/10, Êpul bi ala bruă kƀĭn ala čar Dak Lak bi trông leh anăn tŭ ư dŭm klei blŭ đru mguôp kơ boh phŭn hră čih Hdră bhiăn kahan ksiêm knhăk. Leh hmư̆ klei hưn mdah kơ Hră čih Hdră bhiăn kahan ksiêm knhăk, êpul bi ala bruă kƀĭn ala čar Dak Lak bi tŭ ư kơ klei čiăng êdi mơ̆ng bruă mđĭ klei bhiăn kahan ksiêm knhăk jing Hdră bhiăn kahan ksiêm knhăk.

Phung bi ala lač, bruă mđĭ jing Hdră bhiăn čih yap klei đru mguôp kơ bruă klam mơ̆ng êpul kahan ksiêm knhăk hlăm bruă rơ̆ng klei êđăp ênang čar kwar. Mguôp klei blŭ kơ hră čih hdră bhiăn kahan ksiêm knhăk, phung bi ala čar Dak Lak mtă: Hlăm hdră bhiăn čih kơ 2 klei dưi mrâo mơ̆ng êpul kahan ksiêm knhăk anăn jing: dưi mâo phao ktuang, kdrăp đru, kdrăp mnơ̆ng hlăm kdrŭn ksĭ leh anăn hriăm phiơr; Dưi mprăp thiăm hô̆ pui tač êdeh phiơr, hô̆ pui hlăm êa čiăng ngă bruă, klei anei djŏ guôp hŏng bruă klam.

H Zawut pô mblang