VOV4.Êđê -  Ti anăp klei dleh dưi ksiêm dlăng mơ̆ng klei ruă tưp Covid-19 hŏng lu mnuih ruă dưi hmao ƀuh hlăm êpul êya yang ƀuôn ti čar Dak Lak, aguah mbruê, 27/10, Êpul êa mdrao mơ̆ng sang êa drao Chợ Rẫy, ƀuôn prŏng Hồ Chí Minh hriê đru čar Dak Lak gang mkhư̆ klei ruă tưp Covid-19. Hlăm aguah mă bruă tal êlâo leh truh ti čar Dak Lak, êpul êa mdrao mơ̆ng mơ̆ng sang êa drao Chợ Rẫy mâo leh klei mă bruă hŏng êpul êa mdrao sang êa drao prŏng krĭng Lăn Dap Kngư, leh anăn nao ksiêm dlăng sang dŏng mdrao kơ mnuih mâo klei ruă tưp Covid-19 gưl klei ruă 2 leh anăn 3 leh anăn anôk dôk mdrao kơ mnuih ruă gưl tal .

Leh kơ anăn, phung nai mdrao, êa mdrao mơ̆ng sang êa drao Chợ rẫy srăng lŏ dôk ti čar Dak Lak sa hruê kăm đru kơ bruă gang mkhư̆ leh anăn mdrao mgŭn kơ mnuih ruă Covid-19. Tui si klei čih yap mơ̆ng knơ̆ng bruă mdrao mgŭn čar Dak Lak, truh kơ aguah mbruêm kluôm čar mâo 3.497 čô mnuih mâo klei ruă tưp Covid-19, hlăm anăn dôk mdrao kơ 1.436 čô mnuih ruă.

Y Ƀel pô mblang