VOV4.Êđê - Aguah mbruê, êpul hđeh êdam êra mơ̆ng kahan ksiêm čar Dak Lak bi mguôp leh hŏng dŭm anôk bruă bi mđu nao čuă leh anăn mđup brei mnơ̆ng dhơ̆ng kơ êpul ba anăp gang mkhư̆ klei ruă tưp. Êpul nao čuă leh anăn mđup brei 200 kdô bi hơĭt klei hdĭp, kdrăp yua bruă mdrao mgŭn, mnơ̆ng yua kơ kahan ksiêm wăl krah Ƀuôn Hồ leh anăn mnuih ƀuôn sang mâo klei dleh dlan hlăm alŭ wăl.

Grăp boh kdô bi hơĭt mâo ênoh hlăm brô 1 êklăk prăl mâo: 5 kg braih, êa prăi, êa msĭn, êa ksâo êmô, êa drao êngoh, čhiăm guôm ƀô̆, kƀu čhao êgei, kƀu boh mnơ̆ng, djam mtam, boh mnŭ leh anăn kđeh kan. Mbĭt hŏng anăn êpul lŏ nao čuă leh anăn mđup brei dŭm êtuh kdrăp čŭt hơô bruă bruă mgŭn, čhiăm guôm ƀô̆, êa rao kiê kngan, mnơ̆ng ƀơ̆ng leh anăn êa mnăm kơ phung knuă druh, lĭng kahan leh anăn phung mă bruă mdrao mgŭn dôk ngă bruă ti anôk bruă mdrao mgŭn wăl krah Ƀuôn Hồ, kahan ksiêm kdriêk Krông Ƀŭk leh anăn dŭm anôk găk răng klei ruă tưp să Pơ̆ng Drang kdriêk Krông Ƀŭk leh anăn să Ea Hồ kriêk Krông Hnang.

Y Ƀel pô mblang