VOV4.Êđê - Vaccine gang mkhư̆ klei ruă tưp Covid 19 hlăk truh hŏng Việt Nam hŏng ênoh lu, ƀiădah hŏng lu mta mdê mdê. Phŭn bruă mdrao mgŭn năng bi bha hŏng klei djŏ guôp truh kơ dŭm alŭ wăl čiăng kơ bruă tlŏ mgang mâo ngă hŏng klei pral, boh nik hŏng dŭm čar ti Lăn Dap Kngư, lehanăn kwar Yŭ Dhŭng, anôk hlăk dôk mâo klei ruă tưp dleh dưi ksiêm dlăng. Anei jing sa hlăm dŭm bruă phŭn Êpul bruă ala čar kiă kriê mdrơ̆ng hŏng klei ruă tưp mñă ti anôk bi kƀĭn aguah mbrue (3/11), ti anôk bruă knŭk kna, bi trông kơ hdră êlan kluôm mdrơ̆ng hŏng klei ruă tưp bi tŭ jing. K’iăng khua knŭk kna Vũ Đức Đam kiă kriê klei bi kƀĭn lač, hdră kluôm hŏng dŭm hdră êlan mrâo srăng dưi ngă hlăm wưng kơ anăp jing tlŏ mgang bi ênŭm. Bi êjai wưng ară anei ăt dôk ba yua dŭm hdra gang mkhư̆, čuăl krĭng, nga kle ibi ktlah hŏng hdră êdu êun, mnêč, lehanăn ka lăm lui mơh hdră bi ktlah yang ƀuôn hlue asăp mtrŭn mrô 16./.

Y Khem pô mblang