VOV4.Êđê- Yap truh tlam 18/10, čar Gia Lai tlŏ leh vaccin Covid-19 kơ giăm 301 êbâo čô mnuih. Hlăm anăn, ti ƀuôn prŏng Pleiku, ênoh tlŏ mgang kơ phung êbeh 18 thŭn kơ dlông mâo êbeh 80%. Truh 5 mmông tlam hruê 18-10, čar Gia Lai mkŏ mjing tlŏ kơ êbeh 3 êtuh êbâo 9 êtuh čô mnuih. Hlăm anăn, êbeh 72 êbâo 100 čô mnuih dưi tlŏ ênŭm aruăt tal 2 leh anăn êbeh 229 êbâo čô mnuih dưi tlŏ aruăt tal 1.

Snăn, ti Gia Lai ară anei mâo 31% ênoh mnuih mơ̆ng 18 thŭn kơ dlông dưi tlŏ ƀiă êdi 1 aruăt vaccine COVID-19. Dŭm alŭ wăl hlăm čar mâo ênoh tlŏ vaccin lu hĭn jing ƀuôn prŏng Pleiku (82%), wăl krah Ayun Pa (40%), wăl krah An Khê (29%). Nguyễn Thị Thanh Lịch- K’iăng Khua Knơ̆ng bruă sang čư̆ êa čarb Gia Lai brei thâo, bruă pŏk ngă tlŏ vaccin pral jing sa hlăm dŭm bruă yuôm bhăn čiăng čar pŏk ngă klei pŏk ƀăng, krŭ wĭt bruă duh mkra- ala ƀuôn hlăm wưng kơ anăp.

Pô mblang: H’Zawut Ƀuôn Yă