VOV4.Êđê- Aguah hruê 30/9, ti anôk bruă Đảng čar Gia Lai, hlăm hdră klei bi kƀĭn tal 5 mơ̆ng Anôk kiă kriê bruă Đảng čar tal XVI pŏk mlar, Anôk kiă kriê bruă Đảng čar mkŏ mjing leh Klei bi kƀĭn hưn mthâo dŭm klei bi mklă kơ bruă knuă druh mơ̆ng Anôk kiă kriê bruă Đảng čar lehanăn Anôk bruă sang čư̆ êa čar Gia Lai dơ̆ng mơ̆ng hruê 4/10 snei: Anôk kiă kriê bruă Đảng čar Gia Lai bi mklă brei Nguyễn Hữu Quế - mdei ngă bruă hlăm Anôk kiă kriê bruă Đảng ƀuôn prŏng nao ngă bruă ti Knơ̆ng bruă Hdră kčah – Duh bi liê; Bi mklă brei Đỗ Việt Hưng – Khua anôk bruă rŭ mdơ̆ng čar Gia Lai nao hgŭm hlăm Anôk kiă kriê bruă Đảng ƀuôn prŏng, păn ngă K’iăng khua bruă Đảng ƀuôn prŏng Pleiku wưng thŭn 2020-2025.

Bi mklă brei Nguyễn Bá Thạch – K’iăng khua bruă Đảng kdriêk Čư̆ Pưh mdei ngă khua hlăm Anôk bruă Đảng kdriêk, k’iăng khua bruă Đảng kdriêk Čư̆ Pưh nao ngă bruă ti Anôk bruă rŭ mdơ̆ng. Bi mklă brei Võ Hoàng Bình – Khua adŭ hlak mblang bruă kđi čar – hƀuê ênuk Đảng, Anôk kiă kriê klei hâo hưn mơ̆ng anôk bruă Đảng čar păn ngă K’iăng khua Anôk kiă kriê klei hâo hưn mơ̆ng anôk bruă Đảng čar./.

Pô mblang: H’Nêč Êñuôl