VOV4.Êđê - Hluê si Anôk gĭt gai hdră gang mkhư̆ klei ruă Covid 19 čar Gai Lai, tĭng mơ̆ng 7h hruê 10/9/2021, čar Gia Lai mă leh mta ksiêm dlăng kơ 5.242 čô mnuih, hlăm anăn mâo 11 čô djiŏ kman SARS-CoV-2, klă klơ̆ng: Mâo 7 čô lŏ tưp djŏ kman SARS-CoV-2 leh dưi mdrao hlao wĭt kơ sang lehanăn hluê ngă hdră ksiêm dlăng klei suaih pral ti sang. 2 čô jing F1 djŏ tuôm kơ anôk bluh mâo klei ruă ti Sang êa drao prŏng. 1 čô jing F1 djŏ tuôm hŏng phung mă bruă riêk ktăk ksu ti ƀuôn prŏng Pleiku ară anei hlăk dôk bi ktlah djŏ si klei kčah mtrŭn. 1 čô jing mnuih mă bruă mrâo wĭt mơ̆ng ƀuôn prŏng Hồ Chí Minh về, êlâo anăn dưi ba bi ktlah ti Sang tuê jưh Tre Xanh. Snăn, tĭng mơ̆ng hruê 28/5/2021 truh 7h hruê 10/9/2021, ti alŭ wăl čar mâo leh 552 čô djŏ kman SARS-CoV-2 (hlăm anăn mâo 56 čô lŏ djŏ kman klei ruă)./.

H Nêc pô mblang