VOV4.Êđê - Leh lu hruê amâo mâo mnuih ruă mrâo, aguah hruê 26/9, ti Gia Lai lŏ mâo 17 čô ruă Covid 19 mrâo hlăm êpul êya. Hlăm anăn, mâo 15 čô ruă ti ƀuôn prŏng Pleiku lehanăn 2 čô ruă ti kdriêk Đăk Đoa. Klă klơ̆ng, ti ƀuôn prŏng Pleiku, 15 čô ruă anei dôk ti alŭ mrô 11, ƀuôn hgŭm Hoa Lư. Ară anei, CDC Gia Lai tui duah leh 22 čô jing F1, 26 čô jing F2 djŏ tuôm hŏng anôk bluh mâo klei ruă anei. Klei năng mđing, 2 čô ruă mrâo ti kdriêk Đăk Đoa mrâo wĭt mơ̆ng ƀuôn prŏng Hồ Chí Minh hlăm mlam hruê 21/9 đĭ êdeh ôtô hjăn, amâo hưn mthâo klă klei suaih pral kñăm dêč đuê̆ kơ hdră bi ktlah mklin sa anôk. Leh hưn mthâo klei suaih pral ti anôk bruă mdrao mgŭn Adơk, kdriêk Đăk Đoa, bruă sang čư̆ êa alŭ wăl brei bi ktlah ti sang mơ̆ng hruê 25/9 ƀiădah jih dua čô anei amâo hluê ngă kjăp, ăt nao hiu ti lu anôk hlăm ƀuôn prŏng Pleiku lehanăn kdriêk Đăk Đoa./.

H Nêč pô mblang