VOV4.Êđê- Tĭng truh knhal jih mlan 10/2021, čar Gia Lai mâo êbeh 42.600 čô mnuih mă bruă mơ̆ng dŭm čar, ƀuôn prŏng kwar Dhŭng wĭt kơ ƀuôn sang kñăm gang mkhư̆ klei ruă Covid 19. Čar Gia Lai dôk mđing msir mghaih bruă mă kơ êpul mnuih anei, kñăm rơ̆ng kjăp hdră đru mơ̆ng yang ƀuôn hlăk klei ruă tưp dôk mâo dleh dưi ksiêm dlăng.

Hlăm mlan 10/2021, Knơ̆ng bruă Mnuih ngă bruă – kahan êka êkeh lehanăn yang ƀuôn čar Gia Lai bi hgŭm leh hŏng dŭm čar Bình Dương, Đồng Nai, ƀuôn prŏng Hồ Chí Minh kñăm thâo klă klei čiăng kơ mnuih mă bruă lehanăn hdră đru mơ̆ng anôk bruă duh mkra; mtô mblang, mtrŭt mjhar, čih mkra hdră kčah kơ 4.200 čô mnuih ngă bruă lŏ wĭt mă bruă; Anôk bruă hưn mthâo bruă mă čar Gia Lai mkŏ mjing leh knăm hưn mthâo bruă mă ti dŭm kdriêk, wăl krah, ƀuôn prŏng, msir mghaih bruă mă kơ dŭm êtuh čô mnuih mă bruă. Ară anei, čar mphŭn mŭt hlăm yan hrui êmiêt kphê lehanăn ksu, dŭm êbâo čô mnuih djuê ana ƀiă srăng dưi msir mghaih bruă mă./.

Pô mblang: H’Nêč Êñuôl