VOV4.Êđê- Tlam 29/10, Êpul ksiêm dlăng mơ̆ng Phŭn bruă mnuih mă bruă kahan êka êkeh leh anăn ala ƀuôn kyua  Khua Anôk dlăng bruă knuă Vũ Trọng Bình ngă khua êpul, mâo leh mmông mă bruă hŏng Knơ̆ng bruă mnuih mă bruă kahan êka êkeh leh anăn ala ƀuôn čar Gia Lai kơ bruă hluê ngă dŭm hdră êlan klei êđăp ênang ala ƀuôn, đru kơ mnuih mă bruă leh anăn phung mưn mnuih mă bruă tuôm hŏng klei dleh dlan kyua klei ruă Covid-19.

Dŭm hdră msir ruh mgaih klei dleh dlan kơ anôk bruă duh mkra, êpul hgŭm bruă, gŏ êsei mnia blei, hơĭt klei mkra mjing čiăng iêu jak mnuih mă bruă, đru kơ mnuih mă bruă lŏ wĭt mă bruă. Blŭ hrăm hlăm mmông mă bruă, Khua Anôk dlăng bruă knuă Vũ Trọng Bình bi mni kơ bruă hluê ngă dŭm hdră êlan dưi pŏk ngă pral, mbruă, hdră lu jơr. Hlăm wưng kơ anăp, bruă djŏ tuôm čar Gia Lai lŏ dơ̆ng mđĭ lar, ba hdră êlan Knŭk kna đru djŏ mnuih hmaĭ kyua klei ruă Covid-19.

Pô mblang: H’Zawut Ƀuôn Yă