VOV4.Êđê - Kñăm rơ̆ng bruă klam gang mkhư̆ klei ruă Covid-19 êjai, mđĭ lar dŭm bruă duh mkra, wưng êgao, čar Gia Lai mâo leh lu hdră msir rơ̆ng bruă dŭ mdiăng mnơ̆ng dhơ̆ng, boh nik ba čhĭ mnơ̆ng kơ ala tač êngao ti ƀăng jang knông lăn Lệ Thanh, kdriêk Đức Cơ, čar Gia Lai dưi rơ̆ng jăk, mâo ênoh prăk hrui wĭt hlăm brô 90 êklăk USD, đĭ 78% mkă hŏng wưng anei thŭn dih.

Hlăm anăn, bruă blei mnơ̆ng mơ̆ng ala tač êngao lu jing mnơ̆ng mơ̆ng lŏ hma mâo 62 êklăk USD, đĭ 2,5 blư̆. Hoàng Lương Quang- Khua knơ̆ng bruă ksiêm dlăng klei mŭt kbiă hlăm ƀăng jang knông lăn čar Gia Lai bi hgŭm leh tliêr kjăp hŏng êpul mdrao mgŭn, knông lăn ngă bi jăk dŭm klei kčah mtrŭn gang mkhư̆ klei ruă Covdi-19 ti alŭ wăl dôk ti krah dŭ mdiăng mnơ̆ng dhơ̆ng.

H Zawut pô mblang