VOV4.Êđê- Hrue mbrue (18/10) êpul ngă bruă mơ̆ng čar Gialai mâo drông leh truh 296 čô mnuih mâo wăt mniê ba tian, hđeh êlăk, mnuih mduôn khua, mnuih djuê ƀiă mă bruă, hdĭp mda ti dŭm čar nah Dhŭng wĭt leh kơ ƀuôn sang pô hŏng klei êđăp ênang. Êlâo anăn, êpul nga bruă mâo 22 čô, mâo klei đru mơ̆ng 13 boh êdeh mâo jhưng đih mơ̆ng sang êdeh Phương Trang nao drông mnuih pô ti dŭm čar mâo klei ruă tưp. Mbha nga 3 êpul drông ti 3 anôk ti dua čar Bình Dương, Đồng Nai, lehanăn ƀuôn prŏng Hồ Chí Minh. Truh 3h tlam hrue 17/10 êpul êdeh kbiă wĭt lehanăn truh kơ čar Gialai hlăm aguah hrue 18/10 mbrue. Hlŏng ba kơ anôk bi ktlah tianăn mâo phung knua druh, lĭng kahan ktrâo atăt bruă bi mdoh kman, ksiêm dlăng hnơ̆ng h'uh asei mlei, hưn mdah kơ klei suaih pral, lehanăn bi mbha anôk bi ktlah djŏ hŏng mta mtrŭn. Gưl anei, tui si tĭng mơ̆ng tal êlâo srăng drông hlăm brô 604 čô mnuih, siămdah kyua mâo lu klei dleh kpăk snăn eneoh mnuih mâo wĭt jing ƀiă./.

Pô mblang: Y-Khem Niê