VOV4.Êđê- Tui si klei bi klă mrô 596 mơ̆ng Knơ̆ng bruă sang čư̆ êa čar Gialai, mơ̆ng hrue 20/9 truh kơ ară anei, giăm 14 êbâo čô mnuih dôk hlăm klei dleh dlan kyua klei ruă tưp covid 19 mâo knŭk kna đru braih. Đăk Đoa jing sa hlăm dŭm kdriêk tal êlâo hlăm čar Gialai mâo mbha braih pioh đru kơ phung ƀuôn sang dôk hlăm klei dleh dlan mơ̆ng hrue 20/9. Hjiê knŭk kna ti krĭng Lăn Dap Kngư mâo ba leh braih truh kơ 8 wăl krah hlăm kdriêk, lehanăn bi mbha mtam braih. Čiăng kơ braih đru anăn dưi truh pral lehanăn djŏ mnuih, lehanăn dưi mâo klei êđăp ênang mơh hŏng klei ruă tưp, dŭm boh alŭ, ƀuôn hưn mthâo leh eneŭm hŏng grăp gŏ êsei. Tui si klei knŭk kna mkăp, gưl anei Gialai mâo êbeh 200 tôn braih, pioh đru kơ êbeh 3 êbâo 300 gŏ êsei hŏng giăm 14 êbâo čô mnuih ti 10 kdriêk. Grăp čô mnuih dưi đru 15kg hlăm sa mlan./.

Pô mblang: Y-Khem Niê