VOV4.Êđê - Hruê 16/9, ti Hà Nội, Êpul khua kiă kriê Dhar bruă mặt trận čar kwar gưl dlông Việt Nam mkŏ mjing leh hdră mtrŭt mjhar “Jih jang mnuih ƀuôn sang bi mguôp, gĭr gang mkhư̆ klei ruă Covid 19”.

Êpul khua kiă kriê Dhar bruă mặt trận čar kwar gưl dlông Việt Nam iêu mthưr jih jang knuă druh, mnuih mă bruă, lĭng kahan, êpul djă phao ktuang, dŭm anôk bruă duh mkra, êpul êya tar rŏng lăn, mnuih Việt Nam dôk hdĭp ti ala tač êngao, dŭm êpul bruă klei đăo, jih jang mnuih ƀuôn sang... mđĭ lar ai tiê bi mguôp djuê ana, đru mguôp prăk kăk, mnơ̆ng dhơ̆ng, kdrăp mdrao mgŭn, mnơ̆ng ƀơ̆ng huă... kơ hdră gang mkhư̆ klei ruă tưp. Ti knăm anei, mâo tŭ mă leh klei đru mơ̆ng êbeh 30 êpul êya bruă, mnuih hŏng ênoh prăk lehanăn mnơ̆ng dhơ̆ng êbeh 290 êklai prăk./.

H’Nêč pô mblang