VOV4.Êđê- K’iăng khua knŭk kna Vũ Đức Đam bi klă leh hdră hâo hưn kơ klei mtăp mđơr êkei mniê truh thŭn 2030. Anei jing gưl tal êlâo Việt Nam mâo sa hdră hâo hưn hjăn kơ klei mtăp mđơr êkei mniê lehanăn ta hdră truh kơ thŭn 2030. Hdră kñăm truh kơ thŭn 2025, jih jang dŭm phŭn dhar bruă, alŭ wăl mkŏ mjing hdră hlue ngă mlan mă bruă kyua klei mtăp mđơr êkei mniê, lehanăn bruă bi kdơ̆ng hŏng klei nga jhat kơ phung mniê kreh mko mjing hlăm grăp thŭn. Ktưn truh kơ thŭn 2030 kơ klei thâo săng kơ klei mtăp mđơr êkei mniê halwm yang ƀuôn đĭ mơ̆ng 10 – 15% mkă hŏng thŭn 2025. Ktưn truh kơ thŭn 2025, mâo ƀiă êdi 70% anôk bruă hâo hưn lông ngă klei bi hmô, lehanăn truh thŭn 2030 mâo 90% anôk bruă hâo hưn klă klơ̆ng ba yua hnơ̆ng ênoh kơ klei hâo hưn kơ klei êkei lehanăn mniê. Truh kơ thŭn 2025, mâo 95% lehanăn truh thŭn 2030 djăp 100% dŭm klei bhiăn, halwm yang ƀuôn maoa bi klă, amâo mâo ôh klei bi kah êkei mniê. Grăp thŭn, dŭm anôk bruă, êpul bruă, phung duh mkra lehanăn phung ƀuôn sang mâo klei hâo hưn, bi lar hdră bhiăn, hdră êlan kơ klei mtăp mđơr êkei mniê ƀiă êdi 2 blư̆./.

Pô mblang: Y-Khem Niê