VOV4.Êđê - Tlam 27-9, Knơ̆ng bruă sang čư̆ êa ƀuôn prŏng Hà Nội maoa Hră mơar kơ bruă mkra mlih dŭm hdră gang mkhư̆ klei ruă Covid-19 hlăm boh klei mrâo ti ƀuôn prŏng.

Klă klơ̆ng, mơ̆ng hruê 28-9, Knơ̆ng bruă sang čư̆ êa brei hluê ngă dŭm mta bruă, brei dŭm anôk bruă mnia blei, mnuih ƀuôn sang ngă bi jăk klei kčah mtrŭn 5K, mgô̆ brei ksiêm dlăng mrô QR leh anăn dŭm hdră gang mkhư̆ klei ruă tưp mơ̆ng Phŭn bruă mdrao mgŭn leh anăn ƀuôn prŏng, mâo: mjăt asei mlei hlăm wăl tač ƀiădah amâo dưi dôk bi ngi ôh êbeh 10 čô kơ dlông, Anôk bruă mnia blei; anôk kčoh čhum ao, čhĭ mnơ̆ng mmia ƀô̆ mta. Knơ̆ng bruă sang čư̆ êa ƀuôn prŏng jao kơ Knơ̆ng bruă mdrao mgŭn bi hgŭm hŏng dŭm anôk bruă lŏ dơ̆ng ksiêm dlăng mdrao mgŭn, boh nik ksiêm mkă 2-3 hruê/blư̆ ti dŭm anôk kwang dar, anôk mâo klei huĭ hyưt êdi čiăng mkhư̆ klei ruă tưp, ktuê dlăng čiăng bi leh bruă tlŏ vaccin.

H Zawut pô mblang