VOV4.Êđê- Adŭ bruă Knŭk kna mrâo mâo hră mơar mơĭt kơ Knơ̆ng bruă sang čư̆ êa dŭm čar, ƀuôn prŏng Hà Nội, ƀuôn prŏng Hồ Chí Minh, Bình Dương hưn klei blŭ gĭt gai mơ̆ng Khua knŭk kna Phạm Minh Chính kơ dŭm bruă hlăm hdră gang mkhư̆ klei ruă tưp. Hluê anăn, Khua knŭk kna mtă kơ Knơ̆ng bruă sang čư̆ êa dŭm čar, ƀuôn prŏng mjêč hluê ngă klei ktuê dlăng, msir mgaih mtam dŭm klei êdu kƀah ti đa đa să, ƀuôn hgŭm, wăl krah kơ klei đru mdrao mgŭn, mnơ̆ng ƀơ̆ng huă kơ  mnuih ƀuôn sang leh anăn ksiêm dlăng bruă rơ̆ng mprăp kơ êpul anôk phŭn gang mkhư̆ klei ruă tưp, êpul gang mkhư̆ Covid-19 hlăm êpul êya… Khua Knŭk kna jao kơ Knơ̆ng bruă sang čư̆ êa dŭm čar, ƀuôn prŏng ksiêm kơ hdră mkŏ mjing kơ mnuih ƀuôn ti krĭng wăl mâo lu mnuih amâo rơ̆ng klei bi ktlah hluê si klei kčah mtrŭn dưi čih anăn wĭt kơ ƀuôn sang tui si klei čiăng, mơ̆ng tur knơ̆ng bi hgŭm tliêr kjăp, kreh knhâo, mđrăm mbĭt plah wah dŭm alŭ wăl, rơ̆ng klei êđăp ênang gang mkhư̆ klei ruă tưp.

Pô mblang: H’Zawut Ƀuôn Yă