VOV4.Êđê- Leh tŭ jing klei bi kƀĭn “Trông čhai ruh mgaih klei dleh dlan kơ phung duh mkra mâo prăk duh bi liê mơ̆ng ala tač êngao”, aguah anei, ƀuôn prŏng Hà Nội lŏ dơ̆ng mkŏ mjing klei bi kƀĭn “Trông čhai ruh mgaih klei dleh dlan hŏng phung duh mkra hlăm alŭ wăl êjai dôk găn klei ruă tưp. Ti anôk bi kƀĭn mâo truh 150 čô phung khua bi ala mơ̆ng dŭm phŭn, dhar bruă gưl dlông, phung khua kiă kriê ƀuôn prŏng Hà Nội, Êpul hgŭm phung duh mkra, dŭm mta bruă, anôk duh mkra mnia mblei hlăm dôk mă bruă hlăm ƀuôn prŏng. Klei bi kƀĭn anei jing wưng čiăng kơ phung khua kiă kriê ƀuôn prŏng Hà Nội mđing hmư̆ klei phung duh mkra bi êdah, mơ̆ng anăn mâo hdră bi pral ruh mgaih mtam klei dleh dlan kơ klei duh mkra, mnia mblei êjai dôk găn klei ruă tưp. Mrâo anei, Knơ̆ng bruă sang čư̆ êa ƀuôn prŏng Hà Nội ăt mtrŭn leh mơh hdră kơ klei lŏ kơrŭ wĭt bruă duh mkra hŏng klei êđăp ênang, mnêč, mkhư bi tŭ jing klei ruă tưp hlăm 3 mlan knhal jih thŭn anei lehanăn dŭm thŭn kơ anăp 2022; 2023./.

Pô mblang: Y-Khem Niê