VOV4.Êđê - Hruê 17-9, dŭm sang hră ti čar Dak Nông drông leh hđeh sang hră leh wưng bi ktlah ala ƀuôn gang mkhư̆ klei ruă Covid-19. Hluê anăn, bruă sang hră čar Dak Nông tŭ ư brei dŭm sang hră ti 4 kdriêk Dak Glong, Dak Song, Tuy Đức, Krông Knô leh anăn ƀuôn prŏng Gia Nghiã drông hđeh sang hră lŏ wĭt hriăm. Sĭt nao sang hră, phung hđeh dưi mkă hnơ̆ng hlơr asei mlei, rao kngan mdjiê kman.

Dŭm sang amâo mkŏ mjing ôh klei bi kƀĭn ti gŭ hla čhiăm gru akŏ hruê kăm ƀiădah hrô kơ klei anăn phung nai kriê dlăng adŭ bi hriăm phung hđeh gang mkhư̆ klei ruă tưp, mta phŭn gang mkhư̆ klei ruă tưp mơ̆ng sang hră. Hlăm jih wưng hriăm ti sang hră, phung hđeh leh anăn nai mtô truă čhiăm guôn ƀô̆. Hjăn ti kdriêk Čư̆ Jut, leh ƀuh mnuih djŏ kman SARS-CoV-2 ti să Nam Dong hlăm hruê 26/9, bruă sang hră mdei êjai brei hđeh nao sang hră.

H Zawut pô mblang