VOV4.Êđê - Lŏ dơ̆ng hdră mă bruă hlăm klei bi kƀĭn tal 2, Bruă kƀĭn ala gưl XV, aguah anei 29/10, Bruă kƀĭn ala bi trông online kơ  Hră čih Hdră bhiăn mnia blei hrăb ênua (lŏ mkra mlih). Phung bi ala lač, hdră bhiăn lŏ mkra mlih brei bi kna klei tŭ dưn plah wah dŭm tĭng mkăp leh anăn phung yua hdră hră ênua; rơ̆ng mtăp mđơr, klă mngač. Hluê si phung bi ala, hdră kñăm mơ̆ng bruă blei hră ênua jing čiăng tla kơ klei luič liê, msir mgaih klei jhat tơdah mâo. Kyua anăn, êngao kơ bruă răng mgang klei tŭ dưn leh anăn klei amâo jăk kơ anôk bruă mnia blei hră ênua, Hră čih Hdră bhiăn mnia blei hră ênua brei mđing djŏ hnơ̆ng hŏng phung nao blei, phung dưn hră ênua… Phung bi ala bruă kƀĭn ala ăt mtă kơ Knŭk kna lŏ dơ̆ng ktuê dlăng, ngă djŏ klei čiăng mư̆ng anôk ba čh hră ênua, yap wăt hră ênua kơ thŭn hdĭp leh anăn êngao kơ hră ênua thŭn hdĭp, hră ênua leh anăn lŏ blei hră ênua.

Ăt hlăm hruê anei, Bruă kƀĭn ala bi trông hlăm êpul kơ: Hdră mĭn tĭng hdră kčah lŏ mkra bruă duh mkra wưng thŭn 2021-2025; Mĭn tĭng čuăl mkă hdră ba yua lăn ala čar wưng thŭn 2021-2030, hnơ̆ng trah dlăng truh thŭn 2050 leh anăn hdră kčah ba yua lăn 5 thŭn (2021 - 2025).

H Zawut pô mblang