Khua adŭ bruă kƀĭn ala Lê Quang Tùng mâo klei hâo mdah kơ bruă čih mkra hdră mtrŭn kơ bruă bruă čuăn, klei dưi klă mngač kơ bruă knuă hlăm êpul gơ̆ng bruă djuê ana, dŭm anôk bruă hlăm bruă kƀĭn ala. Blŭ hrăm ti anôk mă klei blŭ kơ bruă anei, Khua bruă kƀĭn ala Trần Thanh Mẫn čih pioh, bi myuôm êpul čih mkra jih ai tiê mă bruă hŏng klei mjêč, čiăng bi leh hdră mtrŭn ba mdah kơ dhar bruă gĭt gai bruă kƀĭn ala ksiêm dlăng, mâo klei kčĕ. bruă bi leh, lŏ mđĭ dŭm mta mtrŭn srăng lŏ mđĭ hĭn klei tŭ hlăm bruă mkŏ mjing, lehanăn mă bruă mơ̆ng dŭm anôk bruă hlăm bruă kƀĭn ala.

Tui si khua bruă kƀĭn ala, hdră mtrŭn brei bi djŏ hŏgn bruă knuă mơ̆ng Êpul gơ̆ng bruă djuê ana, mơ̆ng dhar bruă gĭt gai bruă kƀĭn ala, mâo čoh čuăn leh hlăm hdră bhiăn lŏ mlih mrâo thiăm mbŏ đa đa mta hlăm hdră bhiăn bruă kƀĭn ala; rơ̆ng kơ klei lŏ dơ̆ng čuê, bi sa hnơ̆ng, lehanăn dưi bi kna plah wah dŭm anôk bruă.

Khua bruă kƀĭn ala tŭ ư hŏng jih jang boh phŭn hlăm klei klă mngač kơ bruă mkŏ mjing lehanăn hlue ngă, srăng lŏ dơ̆ng ksiêm dlăng, mâo dŭm klei akâo, lehanăn klei bi mlih, čiăng kơ hdră mtrŭn anei mâo mtrŭn lehanăn dưi hlue ngă. Bi êdah klẻi tŭ ư prŏng kơ mta mtrŭn hlăm bruă mkŏ mjing, dăp wĭt êpul mă bruă hlăm Êpul gơ̆ng bruă djuê ana, dŭm anôk bruă hlăm bruă kƀĭn ala, Khua bruă kƀĭn ala lač:

 “Kơ bruă čuăn lehanăn klei dưi klă mngač mơ̆ng Êpul gơ̆ng bruă djuê ana, dŭm anôk bruă hlăm bruă kƀĭn ala, êlâo hĭn kơ klei lŏ čuê, lehanăn păn ngă dŭm mta bruă čuăn, klei dưi mơ̆ng dŭm anôk bruă êlâo kơ dăp wĭt, kñăm čiăgn bi mklă bruă knuă, lehanăn klei dưi. Mđing bi mlih phŭn tal êlâo hlăm dŭm mta bruă knuă, rơ̆ng dưi bi kna, amâo mâo lui êruh, amâo mâo mđĭ mđăl kơ djăp mta bruă brei ngă bi djŏ hŏng hdră êlan, bruă čuăn tui si hdră mtrŭn. Dhar bruă gĭt gai bruă kƀĭn ala bi tŭ ư kơ klei bhiăn, kơ grăp anôk bruă kƀĭn ala mđing bi ksiêm, păn kjăp klei kăp ktuê dlăng jih jang bruă klam mơ̆ng 02 -–03 Phŭn dhar bruă ti gưl dlông čiăng mâo klei thâo bi kna sĭt, amâo mâo ksŭn bruă knuă kơ sa anôk bruă. Klam klei dưi ksiêm êjai, păn mă djŏ hlăm djăp mta bruă mjêč, mâo klei mnuih ƀuôn sang dôk mđing”.

Hlăm klei kiă kriê bruă knuă čiăng bi djŏ hŏng klei čoh čuăn, hdră mtrŭn lŏ mâo klei klă mngač hĭn, plah wah êpul gơ̆ng bruă djuê ana, êpul khua kiă kriê, Khua êpul gơ̆ng bruă djuê ana, pô kiă kriê anôk bruă lehanăn adŭ bruă kƀĭn ala hlăm klei kiă kriê bruă knuă.

Khua bruă kƀĭn ala čang hmăng leh kơ anei, mâo klei mđing hĭn kơ bruă bi leh djăp mta hdră mtrŭn djŏ tuôm hŏng bruă mkŏ mjing, klei ƀơ̆k kơ bruă, êpul êya ngă bruă truăn, rơ̆ng bi mâo djăp klei găl kơ klei mă bruă, amâo mâo ngă bi dleh kpăk, thâo dah hmăi amâo mâo jăk hŏng bruă knuă, klei dưi mơ̆ng dŭm anôk bruă. Kyuanăn, dŭm anôk bruă djŏ tuôm bi pral mkŏ mjing, lehanăn akâo hră ktrâo atăt bruă kiă kriê mnuih mă bruă, ngăn prăk mă bruă mơ̆gn Êpul gơ̆ng bruă djuê ana, dŭm dhar bruă, rơ̆ng kơ jih jang bruă knuă hlăm êpul gơ̆ng bruă djuê ana, dŭm anôk bruă lŏ mkra mlih, thiăm mbŏ hdă mtrŭn mrô 22 mơ̆ng dhar bruă gĭt gai bruă kƀĭn ala kơ bruă klam, mta kñăm, klei dưi dăp wĭt bruă knuă hlăm adŭ bruă kƀĭn ala.

Khua bruă kƀĭn ala Trần Thanh Mẫn mtă, Êpul gơ̆ng bruă djuê ana, dŭm dhar bruă, dŭm anôk bruă bi ksiêm dlăng, tĭng mkă kơ bruă êpul êya pô, amâo mâo klei bi lŭk, hrŏng ruah knuă druh mă bruă, mnuih mâo bruă klam, mnuih knhăk, mâo klei thâo, hlăm anăn mâo ai tiê čiăng kơ klei mlih mrâo sĭt nik./.