Bi mni 21 čô hđeh “Anak rông kđông kahan răng mgang knông lăn” êdah êdi ti Dak Nông
Thứ sáu, 14:51, 18/08/2023
VOV Tây Nguyên
VOV Tây Nguyên
VOV4.Êđê - Tlam (17/8), êlâo kơ mŭt thŭn hriăm mrâo, Knơ̆ng gĭt gai lĭng kahan răng mgang knông lăn čar Dak Nông mkŏ mjing leh knăm bi mni kơ phung hđeh êdah êdi hlăm hdră “Đru kơ adei nao sang hră – anak rông kđông kahan răng mgang knông lăn” lehanăn hdră “Knuă druh, lĭng kahan đru kơ adei nao sang hră” thŭn hriăm 2022-2023.
Hŏng hdră “Jao boh hră, jao klei čang hmăng”, mơ̆ng thŭn 2016 truh kơ ară anei, mâo leh 222 čô hđeh ti 7 să knông lăn mơ̆ng čar Dak Nông lehanăn 12 čô hđeh mơ̆ng čar Mondulkiri (Campuchia) mâo kahan răng mgang knông lăn Dak Nông đru nao sang hră.
Ênoh đru kơ phung hđeh dleh dlan giăm 4,5 êklai prăk, mâo êpul kahan răng mgang knông lăn Dak Nông đru mguôp. Mâo klei đru mơ̆ng phung knuă druh, lĭng kahan răng mgang knông lăn, phung hđeh mâo leh klei đru dưi nao sang hră, dul klei dleh dlan, kƀah êwư jing leh hđeh hriăm thâo./.
Viết bình luận