Hrue 28/10, phung bi ala bruă kƀĭn ala lŏ dơ̆ng trông čhai ti sang bi kƀĭn kơ boh tŭ dưn hlue ngă hdră mđĭ kyar bruă duh mkra ala ƀuôn thŭn 2022; tĭng mkă hdră duh mkra ala ƀuôn thŭn 2023, tĭng mkă kơ ngăn prăk knŭk kna thŭn 2022, lehanăn hdră ngă prăk knŭk kna thŭn 2023.

Hlăm klei bi kƀĭn aguah, phung bi ala mâo klei akâo kơ dŭm hdră mghaih msir kơ ênoh ênil êa săng, êa pui, mghaih msir dŭm bruă rŭ mkra amâo mâo klei tŭ dưn, akâo lŏ pŏk dŭm hdră êlan mă bruă bi tŭ jing đăm lĕ ôh hlăm klei amâo mâo hơĭt kơ bruă duh mkra.

Ti anôk bi kƀĭn, phung bi ala akâo ksiêm dlăng lŏ dơ̆ng bi tai jih jang bruăngă hră mơar mnia mblei êa drao, duah êa drao pioh kơ bruă mdrao mgŭn kơ phung ƀuôn sang. Phung bi ala lač, tơdah amâo mâo êa drao mdrao mgŭn jing sa klei soh prŏng êdi hŏng phung ƀuôn sang./.