Ti să Êa Tiêu, kdriêk Čư̆ Kuiñ, Phŭn bruă kahan ksiêm bi hgŭm hŏng Kahan ksiêm čar lehanăn Êpul bruă Êdam êra mkŏ mjing hdră “Wĭt hŏng ƀuôn sang”. Ƀri gưl anei, phung khua Phŭn bruă kahan ksiêm jao leh 300 hnư mnơ̆ng Têt truh kơ dŭm gŏ snag knŭk kna dlăng ba, khua mduôn, khua ƀuôn, mnuih mâo klei hdĭp dle dlan; phung êdam êra Kahan ksiêm yang ƀuôn.

Êpul bruă êdam êra Dak Lak jao leh sa boh adŭ maĭtĭng, 100 hnư prăk đru hriăm hră klei Angle kơ phung hđeh gưl sa, pŏk hdră guh mngač krĭng ƀuôn sang, êlan hla čhiăm gru Ala čar, Knơ̆ng gĭt gai kahan ksiêm bi kdơ̆ng pral jao leh 2 boh sang khăp čiăng. Hdră “Wĭt kơ ƀuôn sang” mơ̆ng Phŭn bruă kahan ksiêm kñăm mjuăt bi hriăm knhuah gru khăp kơ ala čar, lar bra boh tŭ yuôm jăk siam mơ̆ng klei bhiăn Mnăm êa hdơr kơ hnoh, klei hdơr knga kơ mnuih mâo bruă tŭ dưn hŏng cách mạng, krŭ wĭt ai tiê hgŭm mguôp hlăm êpul êya dŭm djuê ana Việt Nam./.

Ti să Knông lăn Ia Lôp, kdriêk Ea Sup, čar Dak Lak mkŏ mjing hdră yan mnga knông lăn mđao ai tiê mnuih ƀuôn sang, ba kơ mnuih mnuih ƀuôn sang dŭm djuê ana đa đa anôk sa yan mnga hơuh mđao leh anăn bŏ hŏng klei hmăng hmưi. Hlăm hdră, giăm 400 hnư mnơ̆ng dưi mđup brei kơ dŭm gŏ sang knŭk kna dlăng ba leh anăn gŏ sang ƀun, mbĭt hŏng sa boh sang bi mguôp mâo ênoh 100 êklăk prăk.

Boh nik, dŭm hnư đru hriăm hră dưi mđup brei kơ phung hđeh sang hră dleh dlan, hriăm thâo, lŏ đru kơ digơ̆ čhuang mŭt hlăm êdei anăp. Hdră hdră yan mnga knông lăn mđao ai tiê mnuih ƀuôn sang amâo djŏ knŏng jing hnư mnơ̆ng hlăm ai tiê ƀiădah lŏ jing klei mkŏ klei khăp lĭng kahan, mnuih ƀuôn sang, hyuă kjăp klei mjĕ giăm plah wah lĭng kahan knông lăn leh anăn mnuih ƀuôn sang dŭm djuê ana, mkŏ mjing tur knơ̆ng kjăp kơ sa knông lăn êđăp ênang, trei mđao.