Lŏ dơ̆ng hlăm klei bi kƀĭn tal 4, aguah mbrue (2/11), Bruă kƀĭn ala bi trông hlăm êpul kơ klei čih mkra hdră bhiăn răng mgang klei dưi êngiê mnuih blei yua mnơ̆ng lŏ mlih mrâo. Klei mâo lu phung bi ala trông čhai, anăn jing bruă răng mgang klei mnuih blei yua mnơ̆ng, boh nik hlăm klei bi mnia mblei hŏng hla pŏk web. Phung bi ala tŭ ư hŏng jih jang klei jing năng kơ bruă lŏ mtrŭn klei bhiăn mrâo mâo hră mdah mơ̆ng knŭk kna, ƀiădah brei mđing kơ klei mđĭ kyar dŭm hdră duh mkra mnia mblei, mđing kơ mnuih blei yua, mâo klei dưi răng mgang mnuih blei mnơ̆ng, kyuadah hlăk hlê mâo lu snăk klei soh mplư hlăm klei bi mnia mblei hŏng êlan hla pŏk web, lehanăn jih jang bruă mghaih msir klei anei dôk êmưt. 

Ti anôk bi trông, Khua phŭn bruă duh mkra mnia mblei Nguyễn Hồng Diên pô bi ala kơ ƀuôn prŏng Hải Phòng lač, bruă răng mgang kơ mnuih blei yua mnơ̆ng jing bruă năng ngă boh nik hlăm klei bi mnia mblei hlăm hla pŏk, anei jing klei khua phŭn bruă bi êdah năng bi pral mghaih msir mtam. msĕ si čoh čuăn dŭm hdră êlan bi mnia mblei, hdră êlan răng mgang mnuih blei mnơ̆ng hŏng êlan êlektronik, lehanăn rơ̆ng bi mâo mnơ̆ng jăk djŏ ênoh čuăn./.