Bruă mặt trận gưl dlông Việt Nam mđing hĭn kiă kriê bruă duh bi liê kơkrĭng mnuih djuê ƀiă
Thứ sáu, 10:15, 16/12/2022
VOV TAYNGUYEN
VOV TAYNGUYEN
VOV4.Êđê-Hrue mbrue 15/12, ti Lâm Đồng, Knơ̆ng bruă mặt trận gưl dlông Việt Nam mkŏ mjing leh klei trông čhai hlue ngă bruă ala čar kñăm kiă kriê bruă mđĭ kyar klei duh mkra ala ƀuôn krĭng mnuih djuê ƀiă, krĭng čư̆ čhiăng ti Lăn Dap Kngư.
Hưn mthâo ti anôk bi kƀĭn: wưng thŭn 2021-2025, prăk bi liê kơ bruă anei hlăm brô 138 êbâo êklai prăk pioh duh kơ klei mđĭ kyar krĭng mnuih djuê ƀiă lehanăn krĭng čư̆ čhiăng ti 3 êbâo 434 boh să, hlăm 51 boh čar. Hjăn ti alŭ wăl Lăn Dap Kngư mâo 521 boh să, hŏng 417 boh alŭ ƀuôn dôk hlăm klei dleh dlan hĭn êdi dưi dưn bruă anei.
Čiăng kơ jih jang bruă duh bi liê mâo ngă hŏng klei tŭ dưn, anôk trông čhai pioh leh lu mmông, mă tŭ lu klei blŭ trông čhai kơ jŭm bruă: Si srăng ngă čiăng kơ bruă klam mơ̆ng mặt trận djăp gưl dưi ksiêm dlăng jih jang bruă ala čar kñăm mđĭ kyar krĭng mnuih djuê ƀiă lehanăn čư̆ čhiăng hŏng klei tŭ jing bi leh kjăp bruă duh bi liê./.
Viết bình luận