Klei kƀĭn mkŏ hŏng 17 anôk bi kƀĭn gưl kdriêk, hŏng klei nao hgŭm mơ̆ng êbeh 400 čô bi ala jing phung hgŭm ƀĭng ngă lŏ hma. Hŏng ai tiê klă mngač, phung bi ala dŭm đang war, êpul hgŭm bruă, phung hgŭm ƀĭng ngă lŏ hma mâo leh lu klei êmuh hŏng khua gĭt gai bruă sang čư êa čar Gia Lai leh anăn dŭm knơ̆ng bruă, dhar bruă djŏ tuôm.

Hlăm anăn kñăm kơ 5 boh klei phŭn jing: mjeh ana pla mjing, mnơ̆ng rông, đru brei čan prăk mnga hdjul, hdră ruh mgaih klei dleh dlan kơ klei mkra mjing bruă lŏ hma, lăn ala, đru mkŏ mjing bruă mkŏ mkra krĭng ƀuôn sang wăl hdĭp mda. Dŭm klei êmuh hlăm klei blŭ hrăm mâo leh khua gĭt gai dŭm anôk bruă wĭt lač klă anăp. Mâo đa đa klei hưn mdah čiăng ksiêm duah bi klă, dŭm anôk bruă čih yap, ksiêm duah, mgaih msir.